Home / Islam / KHOTBAH JUM'AT "QURBAN" (bahasa makassar)

KHOTBAH JUM'AT "QURBAN" (bahasa makassar)

Posted by muhammad aswar Kamis, 19 Februari 2015 0 komentar
HADIRIN ... JAMAAH JUM’AT RAHIMA KUMULLAH !
ALLO JUMA’ SEBAGAI ALLO PA’RAPPUNGANG RIMASIGIKA, 1X SIMINGGU UMMA ISLANG TUMATAPPAKA, ALLO PAKKIO’NA ALLAH TA’ALA, NAKI PA’BUTTI PANGAINTA, APPARRI-PARRI NGU’RANGI NAKI BOKOI SEMENTARA KOKO JAMA-JAMANGTA, TOKO PA’BARANG-BARANGANTA, KANTORO KADERA MEJANGTA, AMBUNTULI PA’BURITTANA ALLAH TA’ALA :

“PUNNA NIPAKKIOKANGMO RIALLONNA JUMAKA, MAKA PARRI-PARRI NGASEMAKI NGU’RANGI ALLAH TAALA NA KIBOKOI NGASE JAMA-JAMANTA, IAMIANJO JAMANG-JAMANG KABINANG LA’BIRI, RISESENA NAU NGUSSENGA”
NAKANA TOMMO NA’BITA : IANNA TAU URU-URU TAMA RIMASIGIKA RIALLONNA JUMAKA, KAMMAI TAU KURUBANG ONTA LOMPO, MAKA RUANA KAMMAI TAU KURUBANG SAPI CO’MO, MAKA TALLU KAMMAI TAU KURUBANG KIBASA/BEMBE BAGALA”, SANGGENNAJI KANNE NAPAU NA’BITA.
ALLO JUMA ANJARI TONGI ALLO HAJJINA RISESENA TAU PAKKERE KAMASEA, ANJARI PAMMETANNA RISESENA TAU KASI-ASIA, PUNNA NIAKI SA’BARA NAKI TAWAJJUH AMPILANGERI “TENA GAUAKANG MARAENG MANNA, BILANG-BILANG KITA’GALA TENA’ TA’REKENG JUMATTA APALAGI CARITAKI” SANGGENNA NAUNG KHATTEKA. NAPATTOJENGI NA’BITA :

  

“SITOJENNA ANTU ALLO JUMAKA, ANJARI HAJJINAI TAU PAKKERE KAMASEA, ANJARI PAMMETANNA TAU KASI-ASIA. MAKA PUNNA NAIMI KHATTEKA RIMIMMBARAKA, SANNAMMAKI NAKI SA’BARA, PUNNA NIAKKI TENA SA’BARA MAKA TENA JUMA’ RIPASSIMBANGENTA”
HADIRIN …
                RIANNE BULANGA, BULANG ZULHIJJAH, BULANG ANGIMBOLONG RUA IBADAH LOMPO;
1)   IBADAH HAJI DI TANAH SUCI MAKKAH, NAGAUKANGA SIPA’RUA BIJA PAMMANAKANGTA, TETANGGA SEPPE BALLATA AREKA SA’RIBANTANG ISLANG SIKAMPONTA, AMBUNTULI PAKKIO’NA ALLAH TA’ALA, NANAPA’RUPAMO ANGKANA: “LABBAIKALLAHUMMA LABBAIK, LABBAIKALA, LAA SYARIKALAKA LABBAIK” [NIA’ MANNE KARENG AMBUNTULI PAKKIO’TA, BATTUMA KARENG, TENA MARAENG PANGUNJUNGINGKU PASSIKALINNA IKATTE KARENG]. IAMIANNE SALAH SE’RE PAKKUSIANG SANNA BATTALA’NA, NASABA BUTUH PENGORBANAN, HARTA BAR (JAI DOE KIPAKE LAMPA), DIRI BATANGKALE  (CENGGEREPAKI NAKI BAJI AKKUSIANG), KELUARGA BIJA PAMMANAKANG (RELA KIBOKOI BAINE KANANG2TA, ANA’2 JARI KAMBUNTA, TAU TOA MALLASUKANGTA) DEMI MENCARI RELLANA ALLAH TA’ALA NITAMBAI POLE TAU SIPAMPANG LINO A’BILANGANG NEGARA, A’JUTA TAU, A’NASSA SE’RE TAMPA NIKUNJUNGI; BAINE BURA’NE, TAU RUNGKA TAU TOA, PAMMARENTA TAU NIPARENTA, PAJABA PAJAMA BARA’, PATOKO PAKOKO A’BORONG2, NIA’MO TINGGI LOMPO, NIATO BODO CADDI, NIAMO KEBO KAMMA KAPASA NIATO LE’LENG KAMMA SAPIRI, NIAMO KACICI MATANNA, NIATO KAMPOLA MATANNA DSB, RELLAI SILUSURU, SISORONG, SISIKU, SISINGKULU DEMI UNTUK ANGGAPPA PAHALA BARAKKA’NA HAJJIA, SUPAYA DASI-NADASI MOTEREKI ANJARI HAJI MABRUR(HAJI NITARIMA),SITURU KANANNA NA’BITA :


“ANTU HAJJI NITARIMAYA, TENA MARAENG PA’BALASA’NA PASSIKALINNA SIRUGA”. MAKA IKATTE HAJJIA KARAENG, BARANG TEKAMMA ANJARI SULO’, ANJARI SINGARA RIJAMMANG SASSANG KAPARAKANGA ANNE !
2)   IBADAH QURBAN ADALAH IBADAH YANG MEMBUKTIKAN RASA CINTA DAN KASIH SAYANG KITA KEPADA SESAMA HAMBA ALLAH, SEBAGAI HARI MENANAM BENIH PASSINGAIYANG, SALING MEMBAGI ANGKURANGI SUSANA TAU PACCEA, ANJONJOI SIKADDE TAU KAMASEA, ANSAREI SI’DI TAU KASI-ASIA, JUGA SEBAGAI BUKTI MENGORBANKAN SEBAGIAN REZKI/SEDIKIT HARTA YANG ALLAH TITIPKAN KEPADA KITA. NAIA IANNAJIA TAU, RILE’BANA LAPPASA NAMMINRO RIBALLA’NA, NACCARITA GMUSYAWARA RI BONE BALLA’ BIJA TA’BALA’NA, A’NIA’ AKKURUBANG SAPI U/ 7 TAU AREKA BEMBE U/ SITAU, RIALLO 10,11 AREKA 12 ZULHIJJAH, NANAPADAKKA BANGKENNA ASSULUKANG BALLA A’BOYA OLO2 KURUBANG, NAKANA NA’BITA :”TUNGGA2LA TASSE’RE ANGKA BANGKENNA, NISAREI 30 KALA’BIRANG; NISARIEI 10 PAHALA, NIPAMMOPORANGI 10 DOSANA, SIAGANG NIANGKAKI 10 DERAJA’NA. TUNGGA2LA CARITANNA SIAGANG PABALUKA SE’RE HURUPU NIPA’JARI TASABBIH, TUNGGALA SE’RE RUPIAH NIPILAPPI 700 LAPPI, NASIKONTU SIATTI CERA’ NAPASOLONGA ANJARI 10 MALAEKA, TASSE’RE MALAIKA ANRAMPE KANA PAMMOPPORO “EKARAENG KIPAMMOPPORANGI IANU ANA’NA IANU MANTANG RIANU, NASA’BU2KI ARENTA SANGGENNA ALLO KIAMA’, TUNGGA2LA BULUNNA NIPANJARI SE’RE KAMPONG ILALANG SIRUGA, TASSERE KAMPONG 1000 ISTANA (BALLA BULAENG NAJAMARRO), TASSE’RE ISTANA 1000 BIDADARI PERAWAN YG CANTIK JELITA, NAIA OLO2 KIKURUBANGA ANJARI BUROK/DONGKO’2KANG ILALANG SIRUGA NAERANG KERE2 MAE KIKEROKIA NIDETEKI”… ALLAHU AKBAR…IAMIANNE SALA SE’RE BATTU RIMAJAIA PAPPINYAMMANNA SIRUGA NAJANJIANGKI ALLAH TAALA
HADIRIN …
KIKOROBANNA OLO2TA, ANJARI BUTTI MA’NASSA KIKOROBANG NGASETOMMI SIPA KODIA RIATINTA, KISAMBALLEMMI SIPA TAMPO TINGGILANGGATA (NAMPAPI RATE PANGKA’NA RATETOMMI SULENGKANA, NAMPAPI RATE OTO TENAMO NANJALLING, APALAGI PUNNA RATE BULEKANGMO, TAMASSAILEAMI),  KIPOLONGMI SIPA IRIATI KODI PA’MAE (TAUWA NAI PANGKA’NA NAIKATTE NAI TENSITA,TAUWA MALLI KULKAS NAIKATTE RAMMUSU,TAUWA MALLI KIPAS ANGING KATTE APPUTARA AHIRNA TAUWA MALLI AVANSA NAIKATTE NAI AMBULANCE) KISISSILIMI SIPA KIKKIRI GALLANG LANTANG KACIKOROTA (BATTANG TAMPARANG ELORO BUAKANG, SEPPE BALLA CIPURU TANNABEMBENGI, BIJA PALATULUNG NIPATTANREKANG; NISAREJI KODONG PUNNA NIA LA’BINNA MINRO 10MO% BIJA. PADAHAL NAKANA NA’BITA “DOSANA RIBAYA KABINANG CA’DI, KAMMAI TAU NIGAUKI AMMA KA’LENNA”. NAUZUBILLAH..
KIPELA LERE2I SIPA OLO2TA, HUKUM RIMBA (INAI KASSA IAMMETA, INAI KALUMANYANG IAKUASA) NAKI PA’NIA SIPA SISAYU, SIKAMASEANG, SINGAI SIPAKAINGA’ SIPASSA’GAI. APPASANGI NA’BITA NAKANA: ”HATI2 DO’A ORANG YG DIZALIMI (TAU NIPA’RISI ATINNA), ALLAH TA’ALA PASTI AKAN KABULKAN MESKIPUN DIA ORANG YANG KAFIR”
NAIKATTE PARANGKU TAU CA’DI KR., TERASAKI RIAGAMATA KR., KASSAKI HUBUNGANTA RI ALLAH TA’ALA NAKI TEA EROKI NAPAKA BELENG-BELENGI JANJINNA LINO, NAKISSISALA-SALA BIJA PAMMANAKANG SIPAKKAMPONGANG GARA2 PAKUJI-PAKU. TAUWJI JARI PARASIDENG NAIKATTE SIDENGKA2, TAUWJI JARI GUBERNUR KATTE SIPAMARRUNG MARRUNG, TAWJI JARI BUPATI KATTE SIPADITI2, TAWJI JARI DEWANG NAIKATTE SIONDANG KALEWANG, TAWJI NIMUTASI NAIKATTE SIPAKAASI-ASI AKHIRNA TAU GAPPA KADERA NAIKATTE NILAPPSANGNGI KADERA.
HADIRIN… SUDAHLAH KARENG, YANG LALU SUDAHLAH BERLALU, ALLALOA KIAWANG LANTANG2, NAKIPASAMBILA SULU RITAMPARANG MALUARAKA. NAKI AMMOTERE AMBAJIKI HUBUNGANG PASSARIBATTANGANTA, LA’BIPAIYA HUBUNGANTA MANGE RI ALLAH TA’ALA.


“ AKAN DITIMPA KEHINAAN/KESUSAHAN DIMANAPUN KITA BERADA, PASSIKALINNA PUNNA NIBAJIKI HUBUNGANTA RI ALLAH TA’ALA SIAGANG HUBUNGANTA RIPARANTA RUPATAU”
HADIRIN …
                MAKA RIALLO PA’LAPPASSANG PAKKURUBANGANG LABATTUA, KIPANJARI ALLO SIPAKARANNU2, ALLO SIPANASSALLANG KALE, ALLO SIPAMMOPPORANG ANA’ MADORAKA MAE RITAU TOA MALLASSUKANNA, BAINE MAERI BURA’NENNA, SEPPEBALLA MAE RITETANGGANA. ANJARI ALLO PAPPAKAINGA’NA RISESENA TAU TAKKALUPPAYYA, PAPPASAILENA TUMABBOKOWA, PAKKIO’NA TAU MA’LAMPAYYA.
SIAGANG KIPANJARI ALLO, SIKAMASEANG, SIPAJONJOI. TAU NISAREA LABBI DALLE RIALLAH TA’ALA, MAEMAKI NAKI AKKURUBANG SAPI AREKA BEMBE NAKI BAGE2, RISEPPE BALLA KASI-ASITA, RIBIJA TA’BALA KAMASETA NAKI NIAKKANG, BARANG ANTEKAMMA NANAPELA SIPA KODITA ALLAH TA’ALA NASAMBEI SIPA BAJI (SIPA LA’BIRI), NANA PILAPPII BARAKKA DELLETTA ALLAH TA’ALA. SITURU KANANNA :



“PERUMPAMAAN ORANG YANG MEMBELANJAKAN/MENGORBANKAN HARTANYA DIJALAN ALLAH, KAMMAKI TAU LAMUNG SE’RE POKO, SE’RE POKO ANJARI 7 TANGKE, SETIAP TANGKE APPASSULUKI 100 BUAH (BERARTI ANJARI 700 LAPPI), BAHKANG NATAMBAI POLE ALLAH TA’ALA TENA REKENGANNA”
    
KESIMPULAN :
·         SIKONTU NI’MAT PASSARENA ALLAH TA’ALA NAPADONGKOKA RIKATTE, NIA BARANG2 MAJAI, KAGASSINGANG SIAGANG TAPPA PAKKUSIANG. MANNA TEKAMMA PANGNGAINTA RIBARANG2A ALLO BANGNGI, BARI’BASA KARUENG KIPA’NASSA GILIRANG BATTU GARRING ANTATTABAIKI, MANNA BALLA TINGKA 7, OTO SUSUNG 7, DOE 7 PATTI, GALUNG 7 HETTO, KIPALA’BUSU NGASE DEMI UNTUK ANGGAPPAI SIATTI KAGASSINGANG, SITITTI CENGGERE, ANGKASIAKI TUBUH SALEWANGANG. TAPI MANNA MAMO LOMPOANGANGI MATU-MATUNNA KAGASSINGANGA NA BARANG2TA, TAPI PUNNA TENA TAPPA, TANRE PAKKUSIANG, KOSONG PANDALLEKANG RI ALLAH TAALA, MAKA TENA KIMMUNTULU KABAJIKANG, TENA KINGGAPPA KAJANNANGANG, TENA KINGGAPPA PA’MAE BAJI SASSALA KALE TENA POTERANNA, NASABA LE’BA NAPADONGKOKI ALLAH TAALA, KASANNANGANNA RUPATAUWA NIAKI RIAMALA-AMAL AGAMAYA. NIAKI RISAMBAYANGA, NIAKI RIZIKKIRIKA, NIAKI SIDAKKAYA, NASABA MAKING JAI KIPAJONJO KIPASSAREANG, MAKING JAI TONGI PASSAMBUNGANG PASSINGAIYANG PASSARIBATTANG LINO AKHERA. DASI-NADASI NATARIMA NGASE AMALA PANDALLEKANTA ALLAH TA’ALA..AMIN

   
TERIMA KASIH ATAS KUNJUNGAN SAUDARA
Judul: KHOTBAH JUM'AT "QURBAN" (bahasa makassar)
Ditulis oleh muhammad aswar
Rating Blog 5 dari 5
Semoga artikel ini bermanfaat bagi saudara. Jika ingin mengutip, baik itu sebagian atau keseluruhan dari isi artikel ini harap menyertakan link dofollow ke https://topijerami1995.blogspot.com/2015/02/khotbah-jumat-qurban-bahasa-makassar.html. Terima kasih sudah singgah membaca artikel ini.
Categories:

If You Like This Post, Share it With Your Friends

0 komentar:

Posting Komentar

Template by Cara Membuat Email | Copyright of TOPI JERAMI.
Diberdayakan oleh Blogger.